![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Ministri i Brendshëm Taulant Balla ka reaguar në lidhje me protestën e zhvilluar për dhunën e ushtruar ndaj 3-vjeçares që përfundoi me këmbë të thyer në spital.
Balla në një prononcim për media ka përshëndetur protestën, por apelon që të lihet drejtësia të bëjë detyrën e saj, pas arrestimit të edukatores së kopshtit privat “Stinët”, Majlinda Dehima, e cila dhunoi të miturën.
Mbështes reagimin e shoqërisë civile, dhe reagimin e mbarë shoqërisë në raste të tilla. Por, besoj se biem të gjithë dakord se nga ky moment duhet të lëmë drejtësinë të bëjë detyrën e vetë.
Besoj se jeni njohur se policia sapo ka zbatuar një urdhër të prokurorisë për arrestimin e edukatores.
Ky është rasti ku mund të themi se për çdo lloj forme të mos reagimit në kohë, është një bashkëpunim me dhunuesit. Prandaj dhe për rastin e vajzës në Vlorë, reagimi i Ministrisë së Brendshme ka qenë dënues për punonjësit e policisë së shtetit.Unë ndjek me vëmendje çdo rast.
Nuk para mundësi t’i takoja protestuesit sepse u larguan më shpejt sesa duhet.
Ajo që ka rëndësi është se tani është momenti të lëmë drejtësinë të bëj punën e vetë. Ndaj drejtësisë besoj se të gjithë kemi besim”, tha Balla.